Бөөрний түүдгэнцрийн өвчнүүд нь шээсний шинжилгээ, эмнэлзүйд Нефроз ба Нефритик гэсэн 2 хамшинжийг үүсгэдэг.

• Нефроз хамшинж – ШЕШ-нд хүнд протейнури  , БХШ-нд гипоальбуминеми  , эмнэлзүйд захын/анасарк хаван үүснэ. Гиперлипидеми, тромбоз үүсч болно. Нефроз хамшинж нь бөөрний өвчний шалтгаантай үүсэхээс гадна системийн өвчнүүд /ТЧЯ/, чихрийн шижин, амилойдоз зэрэг өвчний үед хоёрдогчоор бөөр гэмтсэнээс үүсч болно.

Бөөрний түүдгэнцэр гэмтсэнээр нефроз хамшинж үүсэх ба сувганцар, завсрын эд зэргийг гэмтээдэг өвчнүүд нь нефроз хамшинжийг үүсгэхгүй.

• Хөнгөн нефритик хамшинж – Гэрлийн микроскопт нэг түүдгэнцрийн тал буюу түүнээс бага хэсгийг хамарсан үрэвслүүд байдаг. ШЕШ-нд гематури, хөнгөн протейнури /<1.5 г/хоног/ илэрнэ. Өвчтөнд ихэвчлэн шинж тэмдэг илрэхгүй.
• Хүнд нефритик хамшинж – ШЕШ-нд гематури, хүнд протейнури, хаван, даралт ихсэлт ба/эсвэл бөөрний үйл ажиллагааны алдагдал илэрч болно.