Уушгины үрэвсэл (Пневмони/Pneumonia)
Пневмологи
Тойм
Уушгины үрэвсэл нь улс орнуудын хүн амын эмнэлэгт хэвтэлт болон халдварын шалтгаант нас баралтын томоохон шалтгаан болсоор ирсэн. Халдварын шалтгаантай тул үндсэн эмчилгээ антибиотик байдаг нь уушгины үрэвслийг анагаах ухааны тулгамдсан асуудал болгож байна. Сүүлийн жилүүдэд дэлхий нийтэд хүнд явцтай, антибиотикт тэсвэртэй штамаар үүсгэгдсэн уушгины үрэвслийн тохиолдол ихсэж байна.
Тодорхойлолт
Уушгины паренхим болон завсрын эдийг хамарсан халдварын гаралтай цочмог үрэвсэлт өвчнийг уушгины үрэвсэл гэнэ. Үүссэн байдлаар нь эмнэлэгийн бус нөхцөлд үүссэн уушгины үрэвсэл, эмнэлэгийн нөхцөлд үүссэн уушгины үрэвсэл гэж ангилдаг.
| Үүссэн байдал | Тодорхойлолт |
| Эмнэлэгийн бус нөхцөлд үүссэн уушгины үрэвсэл, CAP | Tмнэлэгээс гадуур нөхцөлд эсвэл эмнэлэгээс гарсны дараа 4 долоо хоногоос дээш хугацаанд үүссэн, эсвэл эмнэлэгт хэвтсэнээс хойш эхний 48 цагт үүссэн |
| Эмнэлэгийн нөхцөлд үүссэн уушгины үрэвсэл (Nosocomial pneumonia) | HAP, VAP хоёр энэ бүлэгт хамаарна |
| Эмнэлэгт үүссэн уушгины үрэвсэл, HAP | Эмнэлэгт хэвтсэнээс хойш 48 цагийн дараа үүссэн |
| Амьсгалын аппараттай холбоотой үүссэн уушгины үрэвсэл, VAP | Интубац тавьснаас хойш 48 цагийн дараа үүссэн |
| Эмнэлэгийн тусламж үзүүлэх явцад үүссэн уушгины үрэвсэл, HCAP | Гэрийн асаргаа, асрамжийн газар, хемодиализ хийлгэх зэрэг асаргааны үед үүссэн |
Ойролцоо контент
