Гуурсанцарын цочмог үрэвсэл (Acute Bronchiolitis)
Амьсгалын эрхтний эмгэгүүд, Пневмологи, Халварт өвчнүүд
Тойм
Гуурсанцарын цочмог үрэвсэл нь нярай болон 2-оос доош насны хүүхдэд тохиолддог ихэнхдээ жижиг гуурс болон гуурсанцарыг хамардаг амьсгалын доод замын вирусээр үүсгэгддэг өвчин юм. Энэхүү өвчин нь бага насны хүүхдийг цочмог хүнд явцтай амьсгалын хямралд хүргэдэг бөгөөд эмнэлэгт хэвтэх томоохон шалтгаануудын нэг болдог. Гуурсанцарын цочмог үрэвсэл нь Амьсгалын замын синцитиал вирус болон Риновирусээр үүсгэгдэх нь түгээмэл байдаг.
Эмнэлзүйд халуурах , нус гоожих, хоолой өвдөх, толгой болон үе мөчөөр өвдөх зэрэг ханиадны ерөнхий шинж тэмдгүүд илэрдэг. Эхэндээ амьсгал авах саадтай байснаа удалгүй гуурс бөглөрснөөс амьсгал гаргалт саадтай болно. Уушгийг чагнахад амьсгал суларсан, шүнгэнэсэн хуурай хэржигнүүр уушгины бүх талбайд сонсогдоно. Амьсгал авалтын төгсгөлд шажигнуур, амьсгал гаргалтад жижиг нойтон хэржигнүүр сонсогдоно. Өндөр эрсдэлт бүлгийн хүүхдүүдийг RSV-вирусийн эсрэг богино хугацааны, моноклон эсрэг бие бүхий идэвхгүй вакцинаар дархлаажуулна.
Тодорхойлолт
- 2-оос доош насны хүүхдүүдэд ихэвчлэн тохиолддог, жижиг эрэмбийн гуурсан хоолой болон гуурсанцарыг хамардаг амьсгалын доод замын вирусээр үүсгэгддэг өвчин юм.