COVID-19 Вирусийн халдвар

Шалтгаан нь тодорхойгүй уушгины хатгалгаа өвчний тохиолдол 2019 оны 12-р сараас БНХАУ-ын Ухань хотод дэгдэлт хэлбэрээр гарсан бөгөөд 2020 оны 1-р сард БНХАУ-н эрдэмтэд шинэ төрлийн коронавирус үүсгэгч нь байж болзошгүйг нотолж Дэлхийн эрүүл мэндийн байгууллага Коронавируст халдвар Covid-19 хэмээн нэрлэх болсон.

• Тодорхойлолт – Амьсгалын замын цочмог хам шинжээр илэрдэг уушгины цочмог халдварт өвчин. Үүсгэгч – БНХАУ-ын Ухань хотод анх илэрсэн Coronavirus-Subtyp  SARS-CoV-2.
• Нууц үе – 14 хоног 
• Халдвар тараах хугацаа – Анхны шинж тэмдэг илрэхээс өмнө дунджаар 2,5 хоног, илэрснээс хойш 8 хоног орчим. 

1. Шууд болон шууд бус хавьталаар
   • Амьсгалын замын секрец –  Хавьтлаар (секрецээр бохирлогдсон гадаргууд хүрэлцсэний дараа өөрийн салстад болон нүүрэнд хүрэх). 
   • COVID – 19 нь өтгөн болон шээсэнд илэрсэн !!!
2. Агаар дуслын зам /Үндсэн халдвар дамжих зам/ – Ханиах, найтаах болон амьсгалын замаас ялгарсан шүүрэл, салст
   • Халдвар дамжих зай – 1-2м орчим
3. Аероген – Халдварлагдсан аэрозолоор халдвар дамжих 

Халдварын эх үүсвэр – COVID – 19-р халдварласан өвчтөнүүд (Шинж тэмдэг илрээгүй  халдвар авсан нь батлагдсан хүмүүс).

• Өвчин үүсгэгчийн гарал үүсэл нь одоогоор тодорхойгүй байна. Ухань хотын зэрлэг амьтдын захаас халдвар эхтэй гэсэн таамаг яригдаж байгаа.
• ДЭМБ-ын үзэж буйгаар одоогоор гэрийн тэжээвэр амьтад нохой, муур г.м-ээр халдвар дамждаг нь батлагдаагүй байна.

Эрсдэлт бүлэг – Бүх хүмүүс.

• Өвчлөгчдийн дундаж нас – 50 нас.
• Нас баралтын хувь – 60-с дээш насны өссөөр байна. >80 нас 15% орчим.