ICD-10

Энэ бүлэгт зөвхөн шинж тэмдэг ба явц нь төдийгүй үүсгэж буй шалтгаан нь ижил төстэй эмгэгийг хамруулсан нь бусад бүлгээс ялгагдах онцлог юм. Энэ бүлэгт багтах эмгэгүүд үндсэн хоёр шалтгаантай байна. Үүнд: цочмог стрессийн урвал үүсгэж буй амьдралын таагүй үйл явдал ба удаан хугацаагаар таагүй байдал үүсгэж, улмаар дасан зохицох чадварт сөргөөр нөлөөлөх амьдралын нөхцөл байдлын үлэмж өөрчлөлт хамарна. Хэдийгээр ялимгүй сэтгэл-нийгмийн стресс (“амьдралын үйл явдал”) нь энэ бүлэгт багтсан эмгэг үүсэхэд нөлөөлдөг ч гэсэн сэтгэл-нийгмийн стрессийн шалтгаан нь тэр бүр тодорхой байдаггүй бөгөөд хувь хүний онцлог, гомдомтгой чанар, хариу урвал зэргээс шалтгаалдаг байна. Харин энэ бүлэгт багтсан эмгэгүүд заавал хүчтэй стресс буюу удаан хугацааны таагүй байдлаас улбаалсан байдаг.

Сэтгэлийн хүчтэй дарамт учруулдаг үйл явдал, удаан үргэлжлэн буй таагүй нөхцөл байдал нь анхдагч үндсэн шалтгаан бөгөөд уг эмгэг нь тэдгээрийн нөлөөлөлгүйгээр үүсэхгүй. Энэ бүлэгт өгүүлэн буй эмгэгийг ийнхүү хүчтэй буюу удаан үргэлжилсэн сэтгэлийн дарамтад өгч буй хэвийн биш урвал гэж үзэж болно. Эдгээр нь хэвийн дасан зохицоход садаа учруулж улмаар нийгмийн үйлийн тулгамдсан асуудал бий болгоно.