ICD-11

ДЭМБ-ын „гэмтэл“-ийн тодорхойлолт: „Гэмтэл нь механик энерги, дулаан, цахилгаан гүйдэл, химийн бодис ба ионжуулагч цацраг зэрэг физик хүчин зүйлд цочмог өртөх үед эдгээр нь хүний тэсвэрлэх босгоос хэтэрсэн хэмжээгээр буюу хурдаар биетэй харилцан үйлчилснээс үүснэ. Зарим тохиолдолд, (жишээ нь, живэх ба хөлдөлт), гэмтэл нь хүчилтөрөгч буюу дулаан зэрэг зайлшгүй шаардлагатай хүчин зүйл гэнэт дутагдсанаас үүснэ. Гэмтлийг олон янзаар ангилж болно. Гэвч ихэнх шинжилгээний зорилгоор болон арга хэмжээ авах боломжийг тодорхойлоход гэмтлийг санаатайгаар учруулсан эсэх ба хэн учруулснаар нь ангилах нь онцгой ач холбогдолтой. Түгээмэл хэрэглэгддэг ангилал нь:

• санамсаргүй (өөрөөр хэлбэл осол)
• санаатай (өөрөөр хэлбэл зориуд):
• хүн хоорондын (жишээ нь, халдлага ба аллага)
• өөртөө гэмтэл учруулах (жишээ нь, мансууруулах бодис ба архи хэтрүүлэн хэрэглэх, өөрийн биеийг зэрэмдэглэх, амиа хорлох)
• хуулиар зөвшөөрсөн ажиллагаа (жишээ нь, цагдаа буюу хууль сахиулах бусад албан хаагчийн ажиллагаа)
• дайн, иргэдийн бослого ба үймээн самуун (жишээ нь, жагсаал цуглаан ба үймээн)
• сэдэл нь тодорхойгүй

Гэмтэл үүсгэх үйл явдлын цуглуулгад хэд хэдэн тодорхойлолт хамаарна. ӨОУА-11-ийн лавлах гарын авлагын 2.21.8.9 „Тээврийн ослыг кодлох“ ба 2.23.19 „Гэмтлийн үйл явдлын стандарт ба кодлох заавар“ хэсгийг үзнэ үү.