Almiral 25 mg - ErdeMED

Алмирал

25 мг

Диклофенак – Diclofenac

Medochemie Ltd

Эмийн хэлбэр: Шахмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Алмирал нь стеройд бус бүтэцтэй үрэвслийн эсрэг, халуун буулгах өвдөлт намдаах үйлдэл бүхий эмийн бодис юм.
Алмиралийг ревматоид артрит, остеоартроз, нурууны өвдөлт болон анкилозот спондилитийн эмчилгээнд хэрэглэнэ.

Жирэмсний хугацаанд алмиралийг хэрэглэхгүй, зайлшгүй шаардлагатай тохиолдолд эмчийн заавраар хэрэглэнэ.

Шахмал
- 75-150 мг-ийн хоногийн тунг  2-3 удаа хувааж хэрэглэнэ.
Лаа
- Лааг шөнө унтахын өмнө хоногт 1 удаа хэрэглэнэ. Хүнд үед шахмал эмтэй хавсарч хэрэглэхийг зөвлөдөг ба хоногийн тунг 150мг-аас хэтрүүлэхгүй.

Алмирал зохимж сайтай. Зарим нэг өвчтөнд эхэндээ аюулхай орчмоор өвдөх, дотор муухайрах, суулгах, толгой өвдөх болон эргэх гаж нөлөө илрэх боловч энэ шинж тэмдгүүд  нь түр зуурын шинжтэй байх бөгөөдудалгүй цаашид эмчилгээний явцад арилдаг.
Ховор тохиолдолд арьс загатнах, захын хаван, сийвэнгийн трансаминаза өөрчлөгдөж болно.
Ревматизмийн эмчилгээнд хэрэглэгддэг эмүүдтэй хавсарч хэрэглэхэд ялангуяа дээрх эмгэгийн өгүүлэмжтэй өвчтөнд маш ховор тохиолдолд ходоод гэдэсний замаас цус алдах, бичил цус харвалт үүсч болно.

Ходоод гэдэсний замаас цус алдаж байсан өгүүлэмжтэй, элэг болон бөөрний дутагдалтай өвчтөнгүүдэд алмиралийг чанд хяналтын дор маш болгоомжтой хэрэглэнэ.
Диклофенак нь салицилатийг дарангуйлдаг гэж тэмдэглэгдсэн боловч энэ нь клиникт бүрэн батлагдаагүй.

Жирэмсний хугацаанд алмиралийг хэрэглэхгүй, зайлшгүй шаардлагатай тохиолдолд эмчийн заавраар хэрэглэнэ.

Савлалт

1 боодолд 25мг, 50 мг, 100 мг Диклофенак натри агуулсан 20, 30, 50, 100, 250, 500, 1000 ширхэг шахмалаар савлагдана.
1 боодолд 50 ба 100 мг Диклофенак натри агуулсан 10 ширхэг лаагаар савлагдана.

Медохими эмийн компани, Лимасол-Европийн холбооны Кипр улс